എം എ രമേഷ് മടത്തോടന്
ഇന്നാകണ്ണുകള്ക്ക് ചാറ്റല്മഴയുടെ നോവെറ്റിരിക്കാം
പക്ഷേ എനിക്കറിയാം
അതവള് തുടച്ചുനീക്കുമെന്ന്
ഇന്നാകണ്ണുകളോട് പുഴ
കുശലം ചോദിച്ചിരിക്കാം
പക്ഷേ എനിക്കറിയാം
അതവള് കേട്ടില്ലയെന്ന്
ഇന്നാകണ്ണുകളോട് പാറകെട്ടുകള്
എന്തോ വിളിച്ചുപറഞ്ഞിരിക്കാം
പക്ഷേ എനിക്കറിയാം
അതവള് ഗൗനിച്ചില്ലയെന്ന്
ഇന്നാകണ്ണുകള്ക്ക്
കാഴ്ച്ച മങ്ങിയിരിക്കാം
പക്ഷേ എനിക്കറിയാം അതവള്ക്ക് പ്രിയമായിരുന്നെന്ന്...
No comments:
Post a Comment